يالله يا جال الأمور المهمه=تجلى وهق قلب برى حال راعيه
البر دجته و البحر رحت يمّه=أدرج سبب حظ على الله مساعيه
يوم إن ولد اللاش رزقه على أمه=رزقي على اللي ميّت القشع يحييه
ماني وانا بندر ببياع دمه=يقطعك يا بيّاع دمّه و مهفيه
اللي يبيّع لابسات الأزمه=ثور يبي بيض العماهيج تغنيه
يزعل ليا جت ليلة الدول يمّه=رضى بسوق المال بأخيه و أبيه
خطو البخيل اللي يكبّر معمه=يقرا الكتاب و واجب الله مخليه
أما هرج له في رفيقه بنمّه=والا عطا و أمه تضيّع هقاويه
يا مل قلب كل ما مات همّه=ارت دواليب الدهر لين تحييه
فرّاق شمل الناس عيّا يلمه=وقتن يشيب الراس من شاية فيه
أحدن ينام و حط راسه بكمه=و أحد تخم النوم عينه و تخطيه
و أحدن يحاول بالردى بنت عمه=و أحدن يحاول ستر عذرا عوانيه
تخالف الأنظار شرقن و يمّه=كلٍ هدف رايه من الناس مرضيه
أنشدك ياللي كل شي تتمه=تقرا الكتاب كل فرض تصليّه
ويش القليب اللي عميق مجمّه=ما سرّ غرسه ماه عطشى سوانيه
سم السبب يا عارفن عنه سمه=سم السبب يا عارفه قبل اسميه

الموضوع الأصلي : واد اخر حلاوة ربنا يرحمه     -||-     المصدر :     -||-     الكاتب : المندريون